अमलेश नागेश बायोग्राफी छत्तीसगढ़ी, पूरा नाम, परिवार उम्र, पत्नी,फोटो, टिकटॉक, इंस्टाग्राम, नेटवर्थ, Amlesh nagesh biography chhattisgarhi, full name, family, age, wife, photo, tiktok, instagram, networth, cg
संगवारी हो एक ठो कहावत तो आप मन जरूर सुने होहू की “करत करत अभ्यास ते जड़मति होत। सुजान रसरी आवत जात है शिल पर परत निशान।।” सोला आना सिरतोन बात हे अगर कोई भी काम ला आदमी हा बार-बार करत रइथे ता एक ना एक दिन ओला ओ काम मा सफलता जरूर मिलथे अऊ ओहा ओ काम मा माहिर हो जाथे निरंतरता एक ऐसे गुण हरे जेकर द्वारा एक सामान्य आदमी ह भी बहुत बड़े बड़े काम कर सकथे बस ये ब्लॉग मा हमन एक झन अइसने आम आदमी के बात करने वाला हन जेन हा आम आदमी से खास आदमी बने के अपन संघर्ष के कारण आज बहुत झन मनखे के प्रेरणा श्रोत बन गेहे। जेला छत्तीसगढ़ के जम्मो मनखे मन ओखर नाम से पहिचानथे।
अमलेश नागेश के सामान्य परिचय (introduction of amlesh nagesh)
| पूरा नाम | कोयत्तूर अमलेश नागेश |
| जन्म | 19 मार्च 1993 |
| उम्र | 30 साल (सन 2023 में) |
| पिता का नाम | हेमनारायण नागेश |
| माता का नाम | सुभद्रा नागेश |
| निवास स्थान | कामराज, गरियाबंद, छत्तीसगढ़ |
| काम | ऐक्टर, यूट्यूबर |
| धर्म | हिन्दू |
| वैवाहिक स्थिति | विवाहित |
| पत्नी | सविता नागेश |
| रुचि | पेंटिंग |
| नेटवर्थ | अज्ञात |
शुरुवाती जीवन अऊ शिक्षा (early life and education)
संगवारी हो कोन जानत रिहिस हे कि गांव देहात के एक साधारण लड़का जेन ह कभू अपन घर के पिछोत मा अपन मोबाइल से वीडियो बनात रिहिस हे ओहा आज अपन निरंतर मेहनत अऊ कला के बल म छत्तीसगढ़ी फिलिम जगत के उभरता सितारा बन जही हर मनखे जेला आज के समय मा कॉमेडी किंग के नाम से जानथे। अमलेश नागेश हा गरियाबंद जिला के अंतर्गत छुरा थाना के छोटे से गांव कामराज के रहईया हरय ओखर जनम 19 मार्च 1993 के होय रिहिस यानि कि अभी ओहा 30 साल के हो गेहे ओखर दु झन बहिनी हे अमलेश के शादी होगे हे ओखर पत्नी के नाम सुनीता नागेश हे , ओहा अपन प्रारंभिक पढ़ाई अपने गाव मा करिस ओखर बाद 6वी से 10 वी तक पेंड्रा मे पढीस।
अमलेश नागेश के करियर (career of amlesh nagesh)
अमलेश नागेश के पिताजी ह फोटोग्राफर हरय त अमलेश ह बचपन से कैमरा ल देखत अऊ जानत रिहिस अमलेश के पढ़ाई छोड़े के बाद ओखर पिताजी ह ओखर बर स्टूडियो खोल दिस जेमा ओहा फोटोग्राफी अऊ वीडियो शूटिंग करय स्टूडियो ला ओहा लगभग 8 से 9 साल तक चलाईस कही न कही ये भी एक कारण हरे की ओहा अपन वीडियो मन ला खुद शूट अऊ एडिट कर लय ओहा खुद अपन कुछ इंटरव्यू मा बोले हे की मैं ह अपन पहली जेन काम मन ला करत रेहेव ओमन ह मोर आज के कला के पूरक हरय अमलेश नागेश ह कुछ समय से यूट्यूब म अपन हंसी मजाक वाला वीडियो डालते रीहिस फिर ऊही समय म TIKTOK ऐप लांच होइस जेमा ओहा शॉर्ट विडियो डाले के चालू कर दिच अऊ ओखर शॉर्ट विडियो मन ह बहुत तेजी से वायरल होगे टिकटोक के माध्यम से ही अमलेश नागेश ह छत्तीसगढ़ म प्रसिद्धि पाईस फिर धीरे धीरे ओखर यूट्यूब चैनल म भी सब्सक्राइबर बढ़ीस ओहा 2017 म अपन पहला यूट्यूब चैनल JOHAR CHHATTISGARH के नाम से बनाय रीहिस फिर ओहा कुछ कारण से बंद होगे त फिर दूसरा चैनल 2019 म ” CG KI VINES ” नाम से बनाइस हे जेला ओहा BB KI VINES चैनल से प्रेरित होके बनाईस हे जेहा भारत के सबसे लोकप्रिय यूट्यूबर में से एक भुवन बाम के हरय , वर्तमान समय म ये चैनल 1.59 मिलियन यानी की लगभग साढ़े 15 लाख 90 हजार सब्सक्राइबर होगे हवय ये चैनल में अमलेश नागेश ह अकेल्ला बहुत अकन भूमिका निभाथे जईसे की छोटे, बड़े, बिड़ू , भैरा कका, बाबा, जेमा के सबसे फेमस हावय भैरा कका।
अमलेश नागेश के उपलब्धि (achivements of amlesh nagesh)
कुछ समय पहले अमलेश नागेश ह अपन यूट्यूबर संगवारी मन के साथ मिल के भिंभोरा नाम से एक पांच एपिसोड वाला सीरिस बनाय रिहिस जेमा यूट्यूब मा मिलियन्स मा व्युव्ज गेहे जेकर निर्देशन खुद अमलेश नागेश ह करे हे। अभी तक अमलेश नागेश ह तीन छत्तीसगढ़ी मूवी मा नजर आ गेहे जेमा पहिली बार ओहा “बेनाम बादशाह” मूवी मा मऊहा झरे गाना म थोड़ा देर के लिए नजर आइस फिर “डार्लिंग प्यार झुकता नहीं” पिक्चर म हीरो के दोस्त के रोल करिस फिर अभी “ले शुरू होगे मया के कहानी” मूवी मा मुख्य भूमिका मा नजर आइस हे। ये मूवी ह छत्तीसगढ़ म टॉकीज म बहुत दिन तक चलिस हे अऊ बहुत बड़े हिट साबित होईस हे अभी भी ये मूवी के गाना ला आप मन ह शादी बिहाव मे लगे पोंगा मा आसानी से सुन सकथव अमलेश नागेश के अभी अऊ दु ठन मूवी आने वाला हे गुईया अऊ टीना टप्पर नाम से जेमा अभी ओहा काम करत हे|
अमलेश नागेश के नेटवर्थ (networth of amlesh nagesh)
अमलेश नागेश के नेटवर्थ के बारे में इंटरनेट मा कोई जानकारी उपलब्ध नई हे मैं आप मन ला ओखर आमदनी के साधन के बारे में बता देथव जेकर से आप मन ला एक अंदाजा हो जवय की ओहा कतका कमा लेत होही। ओखर कमाई के मुख्य रूप से दो साधन हे जेमा से पहला हरय यूट्यूब, ओखर यूट्यूब चैनल cg ki vines म लगभग डेढ़ मिलियन सब्सक्राइबर हे त यूट्यूब से कमाई होतेच होही साथ ही अब ओहा छत्तीसगढी मूवी में भी मुख्य भूमिका म काम करत हे ।
अमलेश नागेश से जुड़े कुछ सवाल अऊ जवाब (frequently asked questions with answers about amlesh nagesh)
अमलेश नागेश ह कहां रईथे?
जिला गरियाबंद, थाना छुरा, गांव कामराज।
अमलेश नागेश के आने वाला नया मूवी के नाम का हे?
गुईया अऊ टीना टप्पर।
अमलेश नागेश के पत्नी के का नाम हे?
सुनीता नागेश।
जोरदार भाई 👌🔥🔥