नितेश कॉमेडियन बायोग्राफी छत्तीसगढ़ी, पूरा नाम, परिवार उम्र, पत्नी,फोटो, टिकटॉक, इंस्टाग्राम, नेटवर्थ, Nitesh comedian biography chhattisgarhi, full name, family, age, wife, photo, tiktok, instagram, networth, cg
संगवारी हो एखर से बढ़िया बात का हो सकथे की आप के वजह से कोनो दुसर आदमी के चेहरा म मुस्कान आ जाय अगर आप के हरकत ल देख के चार आदमी मन के चिंता अऊ तनाव चाहे कुछ समय के लिए ही सही पर दूर हो जथे त मोर खयाल से ये काम ल भी समाज सेवा के केटेगरी म रखना चाहिए। त संगवारी हो हमन ये ब्लॉग म एक झन अइसने समाज सेवक के बारे में बात करने वाला हन जेन ह छत्तीसगढ़ म अपन हंसी मजाक से भरे विडियो के चलते बहुत फेमस हे संगवारी हो नितेश कॉमेडियन ह कोने का करथे ये सब तो आप मन जानतेच होहू फिर भी मैं ह औपचारिकता निभाय बर बता देथव नितेश कॉमेडियन यानी की नितेश राजपूत ह छत्तीसगढ़ के प्रसिद्ध यूट्यूबर, कॉमेडियन हरय, जेन ह अपन मस्ती भरे अंदाज अऊ पागलपंती से भरपूर विडियो के कारण पूरा छत्तीसगढ़ के जनता के दिल म अपन अलग जगह बनाय हे, यूट्यूब म नितेश कॉमेडियन नाम से ओखर चैनल हे जेमा ओहा कॉमेडी वीडियो डालथे जेला दर्शक मन बहुत पसंद करथे, अभी के समय म छत्तीसगढ़ मे कॉमेडी कलाकार के नाम म अमलेश नागेश के बाद नितेश कॉमेडियन के नाम आथे |
नितेश कॉमेडियन के सामान्य परिचय (introduction of nitesh comedian)
| पूरा नाम | नितेश राजपूत (नितेश कॉमेडियन) |
| जन्मवर्ष | सन 2000 |
| उम्र | 23 |
| जन्म स्थान | घोघरा, जांजगीर चांपा |
| वर्तमान निवास स्थान | दोंदेखूर्द, रायपुर |
| राज्य | छत्तीसगढ़ |
| काम | यूट्यूबर, एक्टर, कॉमेडियन |
| धर्म | हिंदू |
| वैवाहिक स्थिति | विवाहित |
| पत्नी | सुनीता यादव |
| रुचि | एक्टिंग, सिंगिंग |
| फेवरेट ऐक्टर | गोविंदा |
| नेटवर्थ | ज्ञात नही |
नितेश कॉमेडियन के शुरूवाती जीवन अऊ शिक्षा (early life and education )
संगवारी हो कलाकारी अऊ निर्धनता के मित्रता तो प्राचीन काल से चलत आत हे ऊपर से छत्तीसगढ़ एक कृषि प्रधान राज्य हरय अऊ एक छोटे किसान के स्थिति परिस्थिती कईसे रइथे एखर अंदाजा तो आप मन भली भांति लगा सकथव । नितेश कॉमेडियन ह भी एक किसान परिवार के लइका हरे, ओहा रायपुर विधानसभा के नजदीक दोंदेखूर्द गांव के रहईया हरय वईसे तो ओखर पुरखऊती गांव जांजगीर चांपा जिला के घोघरा गांव हरय लेकिन बहुत समय से ओखर परिवार ह दोंदेखुर्द म रईथे, बचपन में कलाकारी के प्रति रुचि होय के कारण ओहा रामायण मंडली में भाग लेवय, स्कूल में होने वाला कार्यक्रम में कविता, भाषण, नाटक में भी सक्रिय भूमिका निभाय, नितेश ह 12वी पास हे अऊ कॉलेज करत हे। नितेश कईथे की दुख सुख तो सब के जीवन म लगेच रईथे फेर हमन ल ये सब ला भुलाके हमेशा खुश रहना चाहिए अऊ अपन आस पास के आदमी मन ला भी खुश रखे के यथासंभव प्रयास करना चाहिए अऊ ईही कारण से मै अपन वीडियो के माध्यम से सब ला हसाय के प्रयास करथव।
नितेश कॉमेडियन के करियर (career of nitesh comedian)
नितेश ह शुरुवाती समय म TIKTOK में कॉमेडी विडियो पोस्ट करय जेमा कुछ समय म ओखर 1 लाख के आस पास फॉलोवर होगे रीहिस की टिकटॉक ऐप ह बैन होगे, tiktok के बैन होय के बाद ओहा आर मास्टर के कहे से यूट्यूब में वीडियो डाले के चालू करदिस, नितेश ह अपन एक इन्टरव्यू में बताए हे की शुरुवाती समय में ओहा विडियो बनाय बर मोबाइल ले बर कुछ महीना तक पावर प्लांट में काम करिस हे अऊ उही मोबाइल से ही ओहा अपन पहला 50 हजार सब्सक्राइबर पूरा करिस हे। यूट्यूब में ओखर विडियो मन ला दर्शक मन ह बहुत पसंद करिस हे, अपन एकदम अलग स्टाईल के विडियो के कारण नीतेश के चैनल बहुत सफल साबित होईस हे, वर्तमान समय में ओखर 2 यूट्यूब चैनल हे जेमा से पहला चैनल niteshcomedian में लगभग 5 लाख 35 हजार सब्सक्राइबर हे अऊ ओखर दूसरा चैनल ओखर मेन चैनल niteshcomedian143 में 3.49 मिलियन यानी की 34 लाख 90 हजार सब्स्क्राइबर हे। नितेश कॉमेडियन के चैनल ह छत्तीसगढ़ के सबसे ज्यादा सब्सक्राइबर वाला चैनल मे से एक हरय। नितेश ला यूट्यूब के तरफ से 2 सिल्वर प्ले बटन अऊ एक गोल्डन प्ले बटन भी मिले हे।
नितेश कॉमेडियन नेटवर्थ अऊ इनकम (networth and income)
संगवारी हो नितेश भाई ह वइसे तो अपन तरफ से अपन इनकम के बारे मे कोई खुलासा नई करे हे लेकिन ओखर यूट्यूब चैनल में जितना सब्सक्राइबर हे ओखर से आपमन अंदाजा लगा सकथव की ओहा यूट्यूब से महीना में कितना कमा लेत होही। 33 लाख से ज्यादा सब्सक्राइबर हे मतलब की ओहा एडसेंस अऊ ब्रांड प्रमोशन के जरिये ठीक–ठाक इनकम कर लेत होहि।
नितेश कॉमेडियन के बारे म कुछ सवाल जवाब
1) नीतेश कॉमेडियन के असली नाम का हे?
नितेश राजपूत।
2) नितेश कॉमेडियन ह कहा रइथे ?
रायपुर विधानसभा से 5 किलोमीटर दूर दोंदेखुर्द गांव में रइथे।
3) नितेश कॉमेडियन के के झन भाई बहिनी हे?
एक भाई अऊ दू बहिनी।