करन किरण चौहान बायोग्राफी छत्तीसगढ़ी, पूरा नाम, उम्र, परिवार, पढ़ाई, गांव, डांस, गाना, फोटो, सीजी , मूवी, व्लॉग Karan kiran chauhan biography in chhattisgarhi, full name, age, family, education, village, dance, gana, image, cg, movie, vlog
संगवारी हो सोशल मीडिया के ये जमाना म कोई भी खबर आम आदमी से छुपे नई हे वो बात चाहे बहुत बड़े हो या बहुत छोटे कही न कही से सोशल मीडिया के कोई न कोई माध्यम से आप मन तक पहुंच ही जथे। सोशल मीडिया में इतना ताकत हे की कोई भी आदमी ल रातों रात प्रसिद्ध कर सकथे त कुछ ही समय म कोई प्रतिष्ठित व्यक्ति के छवि ल धूमिल करे के ताकत भी रखथे। आज आपमन के समक्ष अईसे बहुत से उदाहरण हे जेन मन सोशल मीडिया के कारण अचानक से बहुत प्रसिद्ध होगे रीहिस जईसे की आपमन ‘बचपन का प्यार‘ गाना वाला सहदेव दिर्दो ला तो जानतेच होहु, ओ उदाहरण म से कुछ अइसे रइथे जेन मन ह कुछ समय बाद दोबारा से गुमनाम हो जथे त कुछ मन अईसे भी रइथे जेखर मन के कला ला एक नया आयाम मिल जथे। अऊ ये ब्लॉग म हमन अइसे ही एक भाई बहन के जोड़ी के बारे में बात करने वाला हन जेमन के एक डांस वीडियो ह अचानक से बहुत वायरल होइस हे अऊ उमन ह पूरा छतीसगढ़ मे प्रसिद्ध होगे। संगवारी हो ये जोड़ी के नाम हे करण-किरण ये दोनो सगे भाई बहिनी के जोड़ी ह अपन डांस के माध्यम से छत्तीसगढ़ी एल्बम जगत म बहुत नाम कमात हे अपन बेहतरीन डांस अऊ अभिनय के कारण इंखर जोड़ी ह पूरा प्रदेश मे अपन अलग पहचान बना चुके हे। त आवा जानथन की इमन आखिर रइथे कहां, इखर उमर काहे, परिवार मे कोन कोन हे, अऊ बहुत कुछ….
सामान्य परिचय (introduction)
| पूरा नाम | करण चौहान, किरण चौहान |
| निवास स्थान | रायगढ़ छत्तीसगढ़ |
| उम्र | क्रमशः 18 वर्ष अऊ 20 वर्ष |
| पढ़ाई | करण 12 वी में अध्ययनरत किरण final year में अध्ययनरत |
| जन्मदिन | 5 अगस्त, 14 जुलाई |
| काम | डांसर, यूट्यूबर, स्टेज परफॉर्मर |
| राज्य | छत्तीसगढ़ |
| धर्म | हिंदू |
| रुचि | डांस, अभिनय |
| नेटवर्थ | ज्ञात नईहे |
संगवारी हो कलाकार कही भीं पैदा हो सकथे चाहे वो कोनो कोठी बंगला वाला रहीस आदमी के घर हो या झोपड़ी, जुग्गी म रहईया कोनो गरीब मनखे के घर हो भगवान ह सब ला बराबर कला देहे, बराबर प्रतिभा देहे हमन ल भी बिना कोनो भेदभाव के असली कला ल आगे बढ़ाना चाहिए। हमर देश के इतिहास में बहुत से अइसे कलाकार होय हे जेमन ह गरीब परिवार के होते हुए अपन कला अऊ प्रतिभा के बल म अपन अलग स्थान बनाय हे अऊ आज के समय में सोशल मीडिया के ये दौर म ये काम ह पहिली के तुलना म बहुत ज्यादा आसान अऊ सुगम हो गेहे। आज अगर कोई व्यक्ति चाहे त अपन प्रतिभा ल पूरा देश दुनिया के जनता तक बहुत ही आसानी से अपन स्मार्ट फोन माध्यम से बगरा सकथे वो कला कुछ भी हो सकथे चाहे वो नृत्य हो, गायन हो, अभिनय हो या अऊ कुछु। करन–किरण के प्रसिद्धि भी एखर एक उदाहरण कहे जा सकथे।
पारिवारिक पृष्ठभूमि (family background)
संगवारी हो करन अऊ किरण ईमन ह खास रायगढ़ जिला के एक गांव के रहईया हरय अब इमन के परिवार ह रायगढ़ शहर में रईथे। करन किरण मन अपन एक इंटरव्यू म बताथे की इंखर डांस के प्रेरणाश्रोत इंखर पिताजी हरे। पिताजी पहिली खुद डांस करत रिहिन स्टेज परफॉर्मर रिहीन। इंखर सोशल मीडिया हैंडल अऊ इंटरव्यूज मन के माध्यम से हमन ल जो जानकारी प्राप्त हो पाईस हे ओखर आधार में अगर परिवार के सदस्य मन के बात करबो त करन किरण मन कुल पांच सदस्य होथे करन,किरण ऊंखर बड़े दीदी सुमन अऊ उंखर माता पिता। बड़े दीदी सुमन के शादी हो चुके हे त अभी वर्तमान में चार सदस्य हे। बहुत कम लगभग 6–7 साल के उम्र से ही किरण ह डांस में भाग लेत रिहिस अऊ करन ह भी लगभग अतनेच उमर के रीहिस हाेही जब ओहा डांस के प्रति रुचि लेके चालू करिस। इंखर पिताजी ह इलेक्ट्रीशियन के काम करथे करन किरण मन अपन इंटरव्यू के माध्यम से बताथे की पिताजी के कला ल आगे बढ़ाते हुए हमन ओखर नाम रोशन करना चाहथन अऊ चाहथन की इतना सक्षम हो सकन की पिताजी ल आर्थिक रूप से चिंतामुक्त रख सकन अऊ हमर पिताजी ल भविष्य में कभी भी हमर लिए कोई भी प्रकार के परिश्रम करे ला मत पड़य। संगवारी हो करन अऊ किरण के पिताजी से समाज ल एक सीख लेना चाहिए की चाहे वो लड़का हो या लड़की अगर प्रतिभा ल मौका मिलथे त ओहा बहुत आगे जा सकथे अऊ देश दुनिया में केवल अपन पिता के ही नहीं बल्कि अपन गांव अऊ शहर के नाम रोशन कर सकथे।
करियर के शुरुवात (beginning of career)
जईसे की मै आपमन ल पहिली ही बता चुके हव की इंखर पिताजी ह भी डांस करत रिहिन हे त स्वाभाविक रूप से अपन पिताजी ल देख के करन किरण के बड़े दीदी सुमन चौहान ह भी डांस में रुचि दिखाईस अऊ गांव देहात में जो प्रतियोगिता होथे ओमा भाग लेके चालू कर दिस बस ईही कड़ी ल आगे बढ़ाते हुए किरण ह भी अपन बड़े दीदी के साथ डांस प्रतियोगिता में जाय के शुरू करिस अऊ ओखर पीछे पीछे करन ह भी। बड़े दीदी के शादी होय के बाद करन अऊ किरण ह युगल नृत्य करे के चालू करीन हे अब बात करन इंखर वायरल वीडियो के त सोशल मीडिया में थोड़ा दू चार मिनट खोज बिन करहु त आपमन ल भी पता चल जहि खैर मैं ही बता देथव वो वीडियो ह करन के जन्मदिन के हरे करन के जन्मदिन के अवसर में घर में छोटे से कार्यक्रम चलत रीहिस हे जेमा घर के बाहर में लगे साउंड बॉक्स के गाना म किरण अऊ किरण के बड़े दीदी सुमन अऊ एकात झन अऊ संगी साथी मन ह डांस करत रिहिन ऊही कार्यक्रम म उपस्थित KC STUDIO के एक भैया ह अइसने मस्ती मजाक में वीडियो रिकॉर्ड करके ओला सोशल मीडिया प्लेटफार्म म अपलोड कर दिस। दो चार दिन तक तो दर्शक मन के साधारण ही प्रतिक्रिया रहीस हे फिर अचानक से ये वीडियो ह बहुत ज्यादा वायरल होगे अऊ करन किरण ल छत्तीसगढ़ के जनता मन जाने अऊ पहचाने लगिस। प्रतिभावान तो ईमन शुरू से रीहिस लेकिन ये वीडियो वायरल होय के बाद इंखर कला ल आदमी मन अपन से होके अलग–अलग सोशल मीडिया के प्लेटफार्म म सर्च करके देखे लागिस अऊ इंखर मन के एल्बम वीडियो मन म भारी मात्रा में व्यूज आना चालू होगे। साथ ही साथ इंखर कला ल देखते हुए नया नया गाना अऊ एल्बम मन के जईसे लाइन ही लगगे।
करन अऊ किरण के उपलब्धि (achievements of karan and kiran)
संगवारी हो बात अगर उपलब्धि के करबो त करन किरण के बारे में बताए बर तो बहुत कुछ हे आप मन ह ये बात से इंखर फैन फॉलोइंग यानी की प्रशंसक मन के इंखर प्रति लगाव के बारे में समझ सकथव की अगर आप यूट्यूब में इंखर गाना के लिस्ट में नीचे जात रईहु त आप मन के उंगली में दर्द होय के चालू हो जहि लेकिन इंखर वीडियो आना बंद नई होवय। यानी की ईमन अब तक बहुत अकन गाना में, एल्बम में अऊ स्टेज म अपन परफॉर्मेंस दे चुके हे, इतना कम उम्र में इमन छत्तीसगढ़ में बहुत प्रसिद्धि हासिल कर चूके हे। संगी हो यूट्यूब में ईमन के गाना मन ह मिलीयन व्यूज पार कर चूके हे जेमा से कुछ सबसे ज्यादा देखे गए गाना मन के नाम ये प्रकार से हे–
आजा ना गोरी ( 76 मिलियन व्यूज)
कोचई पान (48 मिलियन व्यूज)
मया मया लागे (37 मिलियन व्यूज)
मोहनी पान ठेला वाली ( 29 मिलियन व्यूज)
झांझर वाली वो (15 मिलियन व्यूज)
संगवारी हो ये तो चार पांच उदाहरण हे जो ऊंखर सबसे ज्यादा देखे जाने वाला वीडियो हरे इंखर अलावा बहुत अकन वीडियो हे जेमा मिलियन पार व्यूज गेहे। ऑनलाइन फैन फॉलोइंग के साथ साथ जब करन किरण ह कोनो गांव में स्टेज परफॉर्मेंस देबर जाथे तो दर्शक मन के भीड़ लग जथे। करन किरण मन ह सबसे ज्यादा गाना AVM GANA के साथ करे हे अऊ एखर साथ साथ adm production, aditi studio, अऊ शुरुवात में kc studio ke साथ भी काम करे हे इंखर सबसे पहिली गाना ‘रिचार्ज करा देना ग’ kc studio के अंतर्गत बने रीहिस एखर अलावा ऊंखर खुद के भी यूट्यूब चैनल हे karan and kiran official नाम से जेमा उमन ह अपन दिनचर्या अऊ गाना के शूटिंग मन के behind the scenes के वीडियो अपलोड करत रइथे। संगवारी हो अगर आप मन ल करन किरण के डांस पसंद आथे त आप मन ह भी AVM GANA अऊ ऊंखर पर्सनल चैनल karan and kiran official ल subscribe कर सकथव।
1) करन किरण कहां के रहईया हरय ?
करन किरण रायगढ़ के रहईया हरय।
2) करन किरण मन कुल के भाई बहिनी हे?
एक भाई अऊ दू बहिनी, इंखर बड़े दीदी के नाम सुमन चौहान हे।
3) करन अभी कोन से क्लास म पढ़थे?
करन अभी 12वी क्लास में पढ़थे ?