आनंद दास मानिकपुरी जीवन परिचय छत्तीसगढ़ी

आनंद दास मानिकपुरी बायोग्राफी छत्तीसगढ़ी, पूरा नाम, परिवार उम्र, पत्नी,फोटो, टिकटॉक, इंस्टाग्राम, नेटवर्थ, Anand das manikpuri biography chhattisgarhi, full name, family, age, wife, photo, tiktok, instagram, networth, cg

संगवारी हो अगर आप के अंदर कुछ कर दिखाय के इच्छाशक्ति हे त परिस्थिति कभू बाधा नई बन सकय अगर अपन वर्तमान समय के बारे में सोच के आप मन ह प्रयास ही नई करहु त आगे कईसे बढ़हू। आप अगर खोजना चाहहु त उदाहरण तो बहुत सारा मिल जहि बस समझदारी आप ला खुद दिखाना हे की ओखर से का शिक्षा लेना हे अऊ ओला अपन जिंदगी में कईसे उतारत हव सफल व्यक्ति मन में एक गुण अवश्य रइथे की उमन ह कभु बहाना नई बनाय अऊ अपन जिनगी के पूरा पूरा जिम्मेदारी अपन ऊपर लेके चलथे अगर कुछ अच्छा होत हे मोर कारण अऊ अगर कुछ बुरा होत हे त ओहा भी मोरे कारण ही होय हे बस इही सोच के कारण उमन अपन जिंदगी मे सफल हो पाथे अऊ ये ब्लॉग मे हमन ईही सोच वाला एक व्यक्ति के बारे में बात करने वाला हन जेन ह अपन प्रतिभा के बल में अपन नाम के सिक्का पूरा छत्तीसगढ़ी मनोरंजन जगत में चलात हे त चलव शुरू करथन

सामान्य परिचय

संगवारी हो ये ब्लॉग मा हमन जेखर बात करबो ओहा एक जबरदस्त डायरेक्टर हरे अऊ एक्टर भी हरे अऊ स्क्रिप्ट राइटर भी हरे अऊ एडिटर भी हरे एक शब्द में बोलबो त ऑलराउंडर हरय |जेखर द्वारा निर्देशित छत्तीसगढ़ी गीत अऊ कॉमेडी वीडियो मन ला छत्तीसगढ़ के पब्लिक बहुत पसंद करथे ओखर वीडियो मन मनोरंजन से भरपूर रईथे साथ ही साथ ओ मा समाज के लिए शिक्षा भी जरूर रईथे |जेन ह अपन शुरूवात एक यूट्यूब चैनल से करे रिहीस हे अऊ आज ओहा अपन खुद के प्रोडक्शन अऊ निर्देशन के तले एक मुवी भी रिलीज कर चुके हे संगवारी हो हमन बात करत करने वाला हैं the adm show अऊ the adm productions के मालिक भईया आनंद दास मानिकपुरी के त ये ब्लॉग में हमन ओखर जीवन के संघर्ष अऊ उपलब्धि के बारे में विस्तार से चर्चा करबो अऊ जानबो की कईसे विज्ञान के छात्र ह कला के क्षेत्र में आगे बढीस अऊ काबर ओहा अपन सरकारी इंजीनियर के नौकरी ला छोड़ के यूट्यूब चालू करिस त चलव जानथन

परिवार अऊ पढ़ाई लिखाई

संगवारी हो आनंद दास मानिकपुरी के जन्म वईसे तो मस्तूरी मुढ़पार के तिर परसदा गांव में होय रिहिस लेकिन ओखर रहना बचपन से बिलासपुर शहर में होथे, बिलासपुर में ही ओखर पढ़ाई लिखाई सब होय हे। ओखर पिताजी श्री सी. डी. मानिकपुरी एलआईसी में नौकरी करत रिहिन अभी सेवानिवृत्त हो चुके हे ओखर माता जी गृहणी हरय। ओखर दू झन बहन हे अऊ एक भाई हे तुषार मानिकपुरी जेन ह आनंद के वीडियो में कैमरा चलाए के काम करथे। आनंद के भाई ह ओखर यूट्यूब के सफर में आनंद के पूरा पूरा साथ देहे। आनंद ह अपन 12वी तक के पढ़ाई बिलासपुर के ही मल्टीपरपूस स्कूल से करे हे ओखर बाद आगे चौकसे इंजीनियरिंग कॉलेज से मैकेनिकल इंजीनियरिंग करे हे आनंद पढ़ाई में भी बहुत बढ़िया रीहिस हे एक इंटरव्यू में बताए हे की ओहा 10वी कक्षा में अपन कक्षा में प्रथम स्थान प्राप्त करे रीहिस अऊ कॉलेज में भी फर्स्ट डिवीजन से पास होय रीहिस पढ़ाई पूरा करे के बाद आनंद ह एक सरकारी प्रोजेक्ट के अंतर्गत लगभग 5 से 6 साल तक नौकरी भी करे हे। नौकरी के दौरान ही ओला ये महसूस होईस की जईसे से सपना रीहिस अपन नाम कमाए के अऊ अपन अलग पहचान बनाए के ओहा नौकरी से संभव तो नई लगत हे ये सब ल विचार करके आनंद ह एक दिन अपन जॉब से इस्तीफा दे दिस।

आनंद मानिकपुरी के करियर अऊ संघर्ष

अपन नौकरी से इस्तीफा दिए के बाद आनंद ह अपन कुछ शुरूवात करे के कोशिश करे लगिस आनंद बताथे की बचपन से ही ओहा अतिउत्साही यानिकी उतलईन अऊ साथ ही साथ बहुत उद्यमी यानिकि बिजनेस माइंड वाला मनखे हरय अऊ शुरू से ये सोच रखथे की जीवन में कुछ तो अइसे काम करना हे की समाज मे अपन नाम हो सकय अऊ माता पिता ल गर्व महसूस होवय। जेन समय आनंद ह जॉब से इस्तीफा दिस ओ समय यूट्यूब में हिंदी के क्रिएटर मन बहुत वायरल होवत रिहीन जइसे की आशीष चंचलानी, भुवन बाम। ये मन के वीडियो ल देख के ही अऊ कुछ जानकारी प्राप्त करे के बाद की यूट्यूब कईसे काम करथे एमा का संभावना हे अऊ एमा करियर बनाना चाहिए की नही आनंद ह मन बनाईस यूट्यूब चैनल चालू करे जाय। 2016 में ओहा अपन पहला यूट्यूब चैनल the adm online के नाम से बनाय रीहिस जेमा ओहा छत्तीसगढ़ी भाषा से जुड़े सवाल जवाल वाला इंटरव्यूज के वीडियो बनाय। शुरू में तो ये चैनल में कोई खास प्रतिक्रिया नई दिखाई दिस आनंद बताथे की 3 महीना मे टोटल व्यूज 500 रीहिस जेन ह भी खुद अऊ दोस्त यार मन के द्वारा देखे से होय रीहिस हे फिर कुछ 3 चार महीना बाद अचानक से एक वीडियो वायरल होगे ओखर बाद से फिर लगातार ये सिलसिला चले लगीस मजेदार अऊ मनोरंजन से भरपूर होय के कारण वीडियो मन बढ़िया चले लगीस फिर धीरे से आनंद ह कॉमेडी शॉर्ट वीडियो बनाय के चालू कर दिस जेन ल भी जनता बहुत पसंद करिस हे अऊ अपन चैनल के नाम the adm online से बदल के the adm show रख दिस। आज के समय म ये चैनल ह ओखर मुख्य चैनल हरे । उतलईन प्रवृत्ति के होय के कारण आनंद ह हमेशा कुछ नया करे के सोच रखथे फिर ईहि सिलसिला ला आगे बढ़ाते हुए आनंद ह छत्तीसगढ़ी अल्बम गीत मन के वीडियो निर्देशन करना चालू कर दिस जेन म खुद भी कभू कभू अभिनय करत नजर आ जथे ।अपन दूसरा नंबर के चैनल यानिकि अपन छत्तीसगढ़ी गाना वाला चैनल the adm productions में आनंद ह बहुत अकन गाना अपलोड कर चुके हे जेन मा के अधिकतर वीडियो मन मा मिलियंस मा व्यूज गेहे। जेन मा से कुछ प्रमुख मन के उल्लेख कर देथव –

रायगढ़ वाला राजा 83 मिलियन

मोला प्यार होगे 53 मिलियन

कोचई पान 50 मिलियन

आज के दिन म आनंद मानिकपुरी के कुल चार चैनल हे

पहला the adm show

दूसरा the adm productions

तीसरा tech adm

ये चैनल में आनंद ह अपन इलेक्ट्रॉनिक उपकरण जईसे की कैमरा वगेरा मन के अनबॉक्सिंग वाला वीडियो अपलोड करथे।

चौथा चैनल Anand Manikpuri नाम से हे

ये चैनल में आनंद मानिकपुरी ह हिन्दी में शॉर्ट कॉमेडी वीडियो अपलोड करथे ।

YouTube में अपन अलग पहचान बनाए के बाद आनंद ह अपन निर्देशन में एक मूवी भी बना चुके हे जेखर नाम रीहिस सरई जेन ह भी ओखर हर काम के जईसे ही बहुत सफल साबित होइस हे अऊ आनंद ल एक अलग छवि प्रदान करिस हे छत्तीसगढ़ी फिल्म जगत में ओखर नाम बनाईस हे।

आनंद ह अपन एक इंटरव्यू में बताय हे की ओहा अपन मूवी बनाए बार बहुत संघर्ष करे हे कोई प्रोड्यूसर नई मिले के कारण ये मूवी ला ओहा अपन खुद के यूट्यूब के कमाई ला अपन जमा पूंजी ला लगा के बनाय हे ओहा बताथे की मूवी बनाय के समय समय ओखर छोटे भाई तुषार मानिकपुरी अऊ ओखर सह कलाकार मन बहुत सहयोग प्रदान करे हे यहां तक कि पूरा मूवी में कोई भी बाहर से स्पॉटबॉय समान लाने ले जाने वाला अऊ ड्राइवर भी नई रखे रिहिस। सब काम ला खुद से ही बहुत कम संसाधन अऊ नियंत्रित खर्चा मे करे गेहे अऊ ये सब के बावजूद मूवी ह छत्तीसगढ़ में बहुत बड़े हिट साबित होय हे ये मूवी में आनंद के साथ जितना कलाकार काम करे हे ओमा से ज्यादातर ओखर यूट्यूब के साथी मन ही काम करे

आनंद मानिकपुरी के नेटवर्थ अऊ इनकम

संगवारी हो आनंद ह अपन इनकम के बारे में तो कोई भी इंटरव्यू में बताए नई हे फिर भी आप मन ओखर चैनल के सब्सक्राइबर अऊ व्यूज ला देख के अंदाजा लगा सकथव अऊ सोशल ब्लेड के वेबसाइट में जाके एक मोटा–मोटा आइडिया भी ले सकथव की कितना इनकम होत हे। यूट्यूब अर्निंग के जानकारी देने वाला वेबसाइट सोशल ब्लेड के अनुसार the adm show channel se 406-6500 $ तक दूसरा चैनल the adm productions से 652–10400 $ तक बन जथे (दिसंबर 2023 के अनुसार)। यूट्यूब के अलावा ब्रांड प्रमोशन वगेरा से भी इनकम आत होही।